|
  Salvete omnes et singuli(ae), qui (quae) paginas nostras privatas morbos contagiosos tractantes frequentastis! In quibus paginis praecipue studentes V. classis curriculi Facultatis medicae nobis in animo sunt. Primum quidem informationes, quae in lecturarum ordine neglectae erant, ex sententia atque voluntate studentium - post ternarum septimanarum cursum factum - supplendas curabamus. Postea vero thematum ubertas effecit, ut limites studii praegradualis modice excessi sint - non sine aliquo fructu, ut speramus, et iucunditate ipsis doctoribus. Hoc scriptum enim multa notanda et magno cum usu in praxi utenda capita continet:
Lectiones in linguam Anglicam translatae Summaria lectionum
Ad coauctores / coauctrices desideratos / desideratas epistula Collegae clarissimi / clarissimae necnon doctissimi / doctissimae! Admonitiones vestras verbaque disputatoria magno cum desiderio exspecto. VIH infectio, neuroinfectiones, cura intensiva non minus quam disciplinae meae historia mihi curae sunt; quapropter pertinentia themata praefero. Notandum: res novitate curiosae, grano salis conditae, apte dicta, picturae lineares, conspectus vel schemata ingeniose constructa vel etiam casus et nuntii recentissimi paginas interretiales multum plus quam periodica classica decent. Addite possibilitatem imagines phototypicas includendi. Quod vero ad voces criticas pertinet, eas mihi auxilio atque publico bono a vobis missas - nullo modo eas aggressionem (quae interpretatio his diebus praevalet) - me accepturum promitto. N.B. potestas omnia, quae scripta sunt, postea corrigendi multiplicat commoda documenta via interretiali scribendi. Valete paginasque nostras amate!
|
Pagina recognita & emendata postremum die 7° mensis Octobris anno MMVII
Omnia iura vindicentur © H. Rozsypal